ზაალ სულაკაურის სამხატვრო სტუდია » გამოფენა-აქცია

საახალწლო კარნავალი 2011

Natosha — Thu, 12 Jan 2012 11:02:41 +0000

27 დეკემბერს, სტუდიაში დიდი საახალწლო კარნავალი გვქონდა. რა თქმა უნდა, ახალი წლის მოსვლა, ჩვენს ახალ, სადღესასწაულო ცენტრში აღვნიშნეთ.
ვინაიდან სტუდიაში ძაააააალიან ბევრი ბავშვი დადის, კარნავალის გაკეთება ოთხ ჯგუფად მოგვიწია და დილიდან დაღამებამდე ვზეიმობდით. სტუმრად სხვა და სხვა პერსონაჟი გვაყვდა: თოვლის ბაბუბა, მძინარე მზეთუნახავი აურორა, მიკი და მინი მაუსები და რა თქმა უნდა, ზალიკო ხელმწიფე.

ბავშვებმა ბევრი ითამაშეს, იცეკვეს ზღაპრის გმირებთან ერთად, მიიღეს საჩუქრები ზალიკოსგან და თოვლის ბაბუისგან და რაც მთავარია ძალიან იხალისეს.

დანარჩენი სურათების ნახვა შეგიძლიათ ჩვენს გალერეაში

თბილისობა 2011

Natosha — Tue, 11 Oct 2011 14:54:20 +0000

წელს, ჩვენმა სტუდიამ, ტრადიციული აქცია ჩაატარა ოთაჭალაში, აბანოებთან.

12 საათიდან, ნებისმიერ მსურველს, ჰქონდა შესაძლებლობა მოსულიყო და დაეხატა, ასევე გაეკეთებინა კომპოზიციები ვიტრაჟის საღებავებისა და ნაჭრების დახმარებით.

როგორც ყოველთვის, ამ ჯერზეც, უამრავი ბავშვი იყო მოსული. თავისი ნამუშევრებისთვის ისინი სერტიფიკატებს იღებდნენ, ხოლო საუკეთესო ნამუშევრები იქვე იყო გამოფენილი.

გარდა ამისა, წელს ჩვენს აქციას, ზალიკოს სადღესასწაულო ცენტრის (რომელიც სუულ მალე გაიხსნება) გმირები შემოუერთდნენ. ისინი ჩვენთან სტუმრად მოსულ ბავშვებს ახალისებდნენ, მათთან ერთად სურათებს უღებდნენ და ცენტრის ბუკლეტებს არიგებდნენ. მოსულები იყვნენ: ბეტმენი, ფიფქია, მიკი და მინი მაუსები, კლოუნი და თვით კაპიტანი ჯეკ ბეღურა.

ესეც ჩვენი ცენტრის ბუკლეტები:

მოკლედ, ძალიან მაგრად გავერთეთ

დანარჩენი სურათები შეგიძლიათ იხილოთ აქ ან ჩვენს გალერეაში

არ დაგავიწყდეთ დაგვიმეგობრდეთ ფეისბუქზე.

გამოყენებითი ხელოვნების გამოფენა

Natosha — Fri, 20 May 2011 13:11:37 +0000

27 აპრილს, ზაალ სულაკაურის სამხატვრო სტუდიაში, გამოყენებითი ხელოვნების გამოფენა ჩატარდა. წარმოდგენილი იყო ბავშვების მიერ შესრულებული ნამუშევრები

ჯგუფის პედაგოგი: ქეთი ნიკოლაიშვილი

გამოფენის სურათების დათვალიერება შეგიძლიათ აქ

გამოფენა საჯარო ბიბლიოთეკაში

Natosha — Fri, 08 Apr 2011 15:04:33 +0000

პირველ აპრილს, ზაალ სულაკაურის სამხატვრო სტუდიის ბავშვებმა და პედაგოგებმა დიდი გამოფენა მოაწყეს საქართველოს პარლამენტის ეროვნული ბიბლიოთეკის მესამე კორპუსში. გამოიფინა მოსწავლეების და მასწავლებლების საუკეთესო ნამუშევრები, ასევე ზალიკო სულაკაურის ნახატები. გამოფენა დღის 12 საათიდან, საღამოს 6 საათამდე გაგრძელდა

გამოფენის სურათების ნახვა შეგიძლიათ აქ

გამოფენა ეროვნულ ბიბლიოთეკაში.

Natosha — Fri, 01 Apr 2011 04:37:49 +0000

1 აპრილს საქართველოს პარლამენტის ეროვნული ბიბლიოთეკის საგამოფენო დარბაზში გაიმართება ზაალ სულაკაურის სამხატვრო სტუდიის მოსწავლეთა და პედაგოგთა გამოფენა. ნამუშევრებს წარმოადგენენ ხატვის, ძერწვისა და გამოყენებითი ხელოვნების ჯგუფების მოსწავლეები. ზაალ სულაკაური კი აუდიტორიის წინაშე საზოგადოებისთვის აქამდე უცნობი ნახატებით წარდგება.

ზაალ სულაკაურის სამხატვრო სტუდიის მოსწავლეთა და პედაგოგთა საგაზაფხულო გამოფენის 1 აპრილს მოწყობა უკვე ტრადიციად იქცა. წელს გამოფენა მეექვსედ იმართება და დამთვალიერებელს კიდევ ერთხელ ეძლევა საშუალება შეაფასოს როგორც ბავშვების, ისე მათი პედაგოგების ახალი ნამუშევრები.

გამოფენაში მონაწილე პედაგოგები და მათი მოსწავლეები ზაალ სულაკაურის სამხატვრო სტუდიისა და საქართველოს პარლამენტის ეროვნული ბიბლიოთეკისგან გამოფენაში მონაწილეობის დამადასტურებელი სიგელებით დაჯილდოვდებიან.

სკოლამდელი ასაკის ბავშვების ნახატების გამოფენა

Natosha — Wed, 23 Mar 2011 13:48:51 +0000

9 მარტს, ჩვენს სტუდიაში, სკოლამდელი ასაკის ბავშვების გამოფენა ჩატარდა.

გამოფენა გაზაფხულის დღესასწაულებს : დედის დღესა და ქალთა დღეს მიეძღვნა. წარმოდგენილი იყო ყველა სკოლამდელი ასაკის ბავშვის ნახატი, პატარებს მონაწილეობისთვის სიგელები დაურიგდათ.

გამოფენის სხვა სურათები შეგიძლიათ იხილოთ ამ მისამართზე

გიორგობის გამოფენა 2010

Natosha — Mon, 20 Dec 2010 21:04:21 +0000

27 ნოემბერს, წმ.სამების სახელობის საკათედრო ტაძრის საგამოფენო დარბაზში, ზაალ სულაკაურის სტუდიის კიდევ ერთი გამოფენა ჩატარდა. ბავშვების ნახატები, ძირითადად საეკლესიო და სადღესასწაულო თემას ეხებოდა. როგორც ყოველთვის, გამოფენას ახლაც ბევრი სტუმარი ჰყავდა

გამოფენის სურათების სანახავად გადადით ამ ბმულზე

თბილისობა 2010

Natosha — Tue, 02 Nov 2010 20:26:34 +0000

ტრადიციულად, ზალიკოს სტუდია, 2010 წლის თბილისობასაც გამოფენა-აქციით შეხვდა. ისევე, როგორც წინა წლებში, წელსაც სტუდიამ თავისი ღონისძიება აბანოთუბანში ჩაატარა. ჩვენ სასიხარულოდ, მზეც გამოვიდა (წინა დღისგან განსხვავებით) და უამრავი სტუმარიც გვეწვია.

აქციის ფარგლებში, გვეწვია ბევრი ბავშვი, რომელსაც უყვართ ზალიკო და ჩვენი სტუდია. ზალიკომ მათ ხატვის გაკვეთილები ჩაუტარა.

სტუდიის პატარა მოსწავლეები საერთო ნამუშევარს ხატავდნენ

დანარჩენები, მსურველებს სახეზე სხვა და სხვა ნახატს და წარწერას უკეთებდნენ

ჩატარდა ღია გაკვეთილი გამოყენებით ხელოვნებაში, სადაც სტუდიის ბავშვებმა ძველი ჩემოდანი გაალამაზეს

კიდევ, სტუდიის ბავშვებმა თიხის ჭურჭელი მოხატეს.

გამოფენას ბევრი სტუმარი ჰყავდა, მათ შორის ტელევიზიიდანაც გვეწვივნენ’

ესეც თიხის ჭურჭელზე მუშაობის საბოლოო შედეგი

სტუდიის წევრებს ძალიან გვიყვარს თბილისობის და სხვა დღესასწაულების მსგავსი ღონისძიებებით აღნიშვნას, ამიტომ გელოდებით ჩვენს შემდეგ აქციებზე გვეწვიეთ და გაერთეთ ჩვენთან ერთად.

ღონისძიების სხვა სურათების ნახვა შეგიძლიათ სტუდიის ფოტო გალერეაში.

გამოფენა სამების საკათედრო ტაძრის საგამოფენო დარბაზში

Natosha — Fri, 23 Apr 2010 17:59:15 +0000

11 აპრილს, ჩატარდა სააღდგომო გამოფენა, სამების ტაძრის საგამოფენო დარბაზში. გამოიფინა ბავშვების ნახატები სააღდგომო თემაზე. სამწუხაროდ, ტექნიკური ხარვეზების გამო, გამოფენის საზეიმო გახსნა ვერ მოხერხდა, თუმცა მოსული სტუმრები და ბავშვები, კმაყოფილები იყვნენ

გამოფენა “დიდუბე პლაზაში”

Natosha — Mon, 19 Apr 2010 17:35:03 +0000

1 აპრილს, დიდუბე პლაზაში ზაალ სულაკაურის სტუდიის მორიგი გამოფენა გაიმართა. სხვა გამოფენებისგან განსხვავებით, ამჯერად, წარმოდგენილი იყო, არა მხოლოდ მოსწავლეების, არამედ მასწავლებლების ნახატებიც.
სხვა მხრივ, როგორც ყოველთვის იყო ბევრი სტუმარი, ბევრი ბავშვი და ტრადიციული სერტიფიკატების დარიგება