29 იანვარს, ჩვენი მულტფილმის პრემიერა შედგა. ის კინოთეატრ რუსთაველის მეორე დარბაზში გაიმართა.

პრემიერა ავტორების გამოსვლით დაიწყო.  ამის შემდეგ, ეკრანზე ორი მოკლემეტრაჟიანი მულტფილმი გავიდა: “გრძნობათა ტყვეობაში” და “ეჭვიანი ქმარი”.  მულტფილმებმა დიდი მოწონება დაიმსახურეს სტუმრებს შორის.

ახლა, თქვენ შეგიძლიათ ისინი ჩვენს ბლოგზე იხილოთ.

გრძნობათა ტყვეობაში:

ეჭვიანი ქმარი:

სურათები მულტფილმის პრემიერიდან შეგიძლიათ იხილოთ ჩვენს გალერეაში
რეპორტაჟი ჩვენი მულტფილმის შესახებ.

მულტფილმებზე მუშაობა უკვე დაწყებულია. მათი სახელწოდებებია “გმირი” და “რიტუალი”.
“გმირი” – ამ მულტფილმში, გმირი სპილო, მიემართება მზეთუნახავის, “საშინელი დრაკონისგან” დასახსნელად. ამისთვის მას მრავალი წინააღმდეგობის გადალახვა მოუწევს.
“რიტუალი” – მოვლენები ერთ ჩვეულებრივ სახლში ვითარდება. ბიზნესმენი ქმარი, ახალგაზრდა ლამაზი ცოლი, მაცდური საყვარელი და…. კატა

ორივე ანიმაციური ფილმი 2D  ტექნიკით  შესრულდება და კომედიური ჟანრის იქნება. ავტორები არიან: ზაალ სულაკაური, ვიქტორ წიკლაური და გელა ბერიანიძე.  ყოველ თვე, ან თვეში ორჯერ, ამ ბლოგზე, კატეგორიაში “რიტუალი”, თქვენ ნახავთ მულტფილმის გაკეთების პროგრესს. მანამდე კი საწყის სკეტჩებს წარმოგიდგენთ

მზეთუნახავი სპილო

ბიზნესმენი ქმარი

გაურკვეველი ჯიშის კატა

თვალი ადევნეთ ჩვენს პოსტებს და ელოდეთ ახალ ამბებს მულტფილმების შესახებ