27 დეკემბერს, სტუდიაში დიდი საახალწლო კარნავალი გვქონდა. რა თქმა უნდა, ახალი წლის მოსვლა, ჩვენს ახალ, სადღესასწაულო ცენტრში აღვნიშნეთ.
ვინაიდან სტუდიაში ძაააააალიან ბევრი ბავშვი დადის, კარნავალის გაკეთება ოთხ ჯგუფად მოგვიწია და დილიდან დაღამებამდე ვზეიმობდით. სტუმრად სხვა და სხვა პერსონაჟი გვაყვდა: თოვლის ბაბუბა, მძინარე მზეთუნახავი აურორა, მიკი და მინი მაუსები და რა თქმა უნდა, ზალიკო ხელმწიფე.

ბავშვებმა ბევრი ითამაშეს, იცეკვეს ზღაპრის გმირებთან ერთად, მიიღეს საჩუქრები ზალიკოსგან და თოვლის ბაბუისგან და რაც მთავარია ძალიან იხალისეს.

დანარჩენი სურათების ნახვა შეგიძლიათ ჩვენს გალერეაში

პირველი ჯგუფი

მეორე ჯგუფი

მესამე ჯგუფი

მეოთხე ჯგუფი

2011 წლის 17 დეკემბერს, ზალიკოს სადღესასწაულო ცენტრში, ჩვენი სტუდიის კიდევ ერთი მოსწავლის – ანა წიკლაურის გამოფენა გაიხსნა

ანა დაიბადა 1997 წლის 29 ნოემბერს. სწავლობს თბილისის 136 საჯარო სკოლის, მე-9 კლასში. სტუდიაში დადის 2009 წლიდან.
ვულოცავთ ანას პირველი პერსონალური გამოფენის გახსნას და მომავალში ბევრ წარმატებას ვუსურვებთ.

29 ნოემბერს, საქართველოს პარლამენტის ეროვნულ ბიბლიოთეკაში, ზაალ სულაკაურის სამხატვრო სტუდიის გამოფენა ჩატარდა.

გამოფენილი იყო სტუდიის ყველა მოსწავლის ნამუშევარი. მათ ამ ღონისძიებაში მონაწილეობისათვის, სიგელები გადაეცათ.

21 ნოემბერს ზალიკოს ცენტრში მარიამ ქერეჭაშვილის პერსონალური გამოფენა გაიხსნა.
მარიამი 11 წლისაა და ზალიკოს სტუდიაში 2010 წლიდან სწავლობს. მისი ნიჭის შესაფასებლად
უამრავი სტუმარი მოვიდა, მათ შორის მისი მასწავლებლები და დირექტორი 23-ე სკოლიდან.

სულით და გულით ვულოცავთ მარიამს მის პირველ, პერსონალურ გამოფენას და ცხოვრებაში დიდ წარმატებებს ვუსურვებთ

ამჯერად, მინდა გამოვაცხადო, რომ სტუდიაში სილით ხატვის კურსი იხსნება!

თქვენ შეიძლება უკვე ნანახი გქონდეთ მსგავსი რამ  თუ – არა,  მოემზადეთ, ეს ძალიან კარგი სანახაობაა:  ერთ გამოსახულებას ეკრანზე, ცვლის მეორე. მეორეს-მესამე და ა.შ. მთლიანობაში, ყველა ნახატი ერთად, ქმნის ლამაზ კომპოზიციას მუსიკის თანხლებით.

ესთეტიური ასპექტის გარდა, სილით ხატვის სწავლა ავითარებს ბავშვის ფანტაზიას, შემოქმედებით პოტენციალს,  ნატიფ მოტორიკას და აწონასწორებს ნერვულ სისტემას.

ჩვენი პედაგოგია გურანდა ცაბუტაშვილი, მისი ნამუშევრები შეგიძლიათ იხილოთ სურათებში ქვემოთ და ამ ვიდეოში:

გაკვეთილები ჩატარდება ყოველ დღე, ოთხშაბათისა და შაბათის გარდა. კურსის ფასი არის სტუდიის მოსწავლეებისთვის – თვეში 40 ლარი, ხოლო სხვა დანარჩენებისთვის -75. როგორც სხვა კურსების დროს, ამ შემთხვევაშიც, ბავშვების ინვენტარით მომარაგებას უზრუნველყოფს სტუდია

გელოდებით ჩვენს სტუდიაში, ახალ კურსზე. გახდით ჩვენი მეგობრული ოჯახის, კიდევ ერთი წევრი!

ცენტრი განლაგებულია ვეკუას 3 ნომერში, სავაჭრო ცენტრ GTC-ში. კვირას, ჩვენ უკვე სამი დაბადების დღე აღვნიშნეთ და ძალიან, ძალიან ბევრი ვიხალისეთ.

შიგნით, ცენტრი ძალიან მაგრად გამოიყურება.  ძალიან, ძალიან ბევრი ადგილი გვაქვს სარბენად და სათამაშოდ. რბილი პუფები დასასვენებლად. მაგარი “ლაზერშოუ” საცეკვაოდ, Xbox Kinect-ი და პატარა სახატავი კუთხეც კი (მათთვის, ვისაც მუდამ და ყველგან უნდა ხატვა).

საღამო ჩვენს ყველაზე მაგარ DJ-ს მიყავს, რომელიც ძალიან ბევრ საინტერესო თამაშს იგონებს. ამ თამაშებს შეუძლიათ გაართონ როგორც პატარები, ისე თინეიჯერები. გარდა ამისა, იუბილარის სურვილის მიხედვით, მას შეუძლია დაბადების დღეზე, სხვა და სხვა გმირი დაპატიჟოს: ჯეკ ბეღურა, ბეტმენი, ფიფქია, სპანჯ ბობი, მიკი და მინი მაუსები, კლოუნი და სხვები.

ვინ დაჯდება პირველი სკამზე და დაქაჩავს თოკს თავისკენ?

გასწრობანა ბურთზე ხტომით

ვინ გადახტება ყველაზე შორს ბატუტით?

გადაახტი თოკს. ეს თამაში, მგონი ყველას გვითამაშია, არა?

გოგოები ბიჭების წინააღმდეგ, სამკაციანი თხილამურებით გასწრობანაში

ცეკვის დროა

ვეჯიბრებით ცეკვაში xbox kinect-ს

როდესაც ბავშვები თამაშით და ცეკვით დაიღალნენ, იქვე ელოდათ გემრიელი საჭმელი და ტორტი იუბილარისთვის

და რაც მთავარია, მანამ სანამ ბავშვები ერთობიან, ჩვენ გვაქვს ძალიან კომფორტული და ლამაზი კაფე მშობლებისთვის. სადაც მათ შეუძლიათ დასხდნენ და ბავშვებს დაელოდონ.

რასაც აქ ხედავთ, ყველაფერი არ არის. ჩვენს ცენტრში ბევრად უფრო მეტი სიურპრიზი გელოდებათ. ძალიან მალე ჩვენს ცენტრს გვერდი ექნება ფეისბუქზე, რომელიც შეგეძლებათ “მოიწონოთ” და მუდმივად იყოთ ჩვენი ახალი ამბების კურსში.

ბავშვებო, თუ გინდათ ძალიან მაგარი, ყველასთვის დასამახსოვრებელი დაბადების დღე გადაიხადოთ, ჩვენი ცენტრი გელოდებათ. არ დაგავიწყდეთ, ჩვენი ყველა იუბილარისთვის, ზალიკოს სპეციალური სამახსოვრო საჩუქარი აქვს!

წელს, ჩვენმა სტუდიამ, ტრადიციული აქცია ჩაატარა ოთაჭალაში, აბანოებთან.

12 საათიდან, ნებისმიერ მსურველს, ჰქონდა შესაძლებლობა მოსულიყო და დაეხატა, ასევე გაეკეთებინა კომპოზიციები ვიტრაჟის საღებავებისა და ნაჭრების დახმარებით.

როგორც ყოველთვის, ამ ჯერზეც, უამრავი ბავშვი იყო მოსული. თავისი ნამუშევრებისთვის ისინი სერტიფიკატებს იღებდნენ, ხოლო საუკეთესო ნამუშევრები  იქვე იყო გამოფენილი.

გარდა ამისა, წელს ჩვენს აქციას, ზალიკოს  სადღესასწაულო ცენტრის (რომელიც სუულ მალე გაიხსნება) გმირები შემოუერთდნენ. ისინი ჩვენთან სტუმრად მოსულ ბავშვებს ახალისებდნენ, მათთან ერთად  სურათებს უღებდნენ და ცენტრის ბუკლეტებს არიგებდნენ. მოსულები იყვნენ: ბეტმენი, ფიფქია, მიკი და მინი მაუსები, კლოუნი და თვით კაპიტანი ჯეკ ბეღურა.

ესეც ჩვენი ცენტრის ბუკლეტები:

მოკლედ, ძალიან მაგრად გავერთეთ

დანარჩენი სურათები შეგიძლიათ იხილოთ აქ ან ჩვენს გალერეაში

არ დაგავიწყდეთ დაგვიმეგობრდეთ ფეისბუქზე.

გამარჯობა!

პირველი სექტემბრიდან სტუდიაში, ახალი 2011-2012 სასწავლო წელი  დაიწყო.

თუკი გსურთ თქვენმა ბავშვმა ისწავლოს ხატვა ჩვენს დიდ და მეგობრულ ოჯახში,

შეგიძლიათ წაიკითხოთ სტუდიაში სწავლის პირობები და ფასები ამ გვერდზე.

ხოლო საკონტაქტო ინფორმაციის ნახვა შეგიძლიათ აქ

გარდა ამისა, თუ გაინტერესებთ, შეგიძლიათ დაათვალიეროთ ჩვენი გალერეა,

სადაც იხილავთ ჩვენი სტუდიის მიერ ჩატარებული ღონისძიებებისა და გამოფენების სურათებს.

შემოგვიერთდით და გახდით ჩვენი მეგობრული ოჯახის კიდევ ერთი წევრი! 

შეხვედრა დილის 10 საათზე, რესპუბლიკის მოედანზე იყო დათქმული.

მას შემდეგ, რაც ყველანი შევგროვდით (მცირედი დაგვიანებით, რა თქმა უნდა), ორ ავტობუსში გავნაწილდით და ექსკურსიის პირველი დანიშნულების ადგილისკენ – ბოლნისისკენ დავიძარით.
ბოლნისში ძალიან ბევრი ხალხი დაგვხვდა.იმ დღეს, სხვა და სხვა სკოლის ბავშვები იყვნენ ექსკურსიაზე ჩამოსულები

მას შემდეგ, რაც სტუდიის მოსწავლეებმა ეკლესია მოინახულეს. ჯგუფური სურათის გადაღება გადავწყვიტეთ. თუმცა, ეს არც ისე ადვილი გამოდგა. სხვა ექსკურსიის ბავშვებმა ზალიკო ალყაში მოაქციეს და ყველა მასთან სურათის გადაღებას ცდილობდა. ბოლოს, როგორც იქნა, ზალიკო გავათავისუფლეთ და რამდენიმე კარგი სურათიც გადავიღეთ

ამის შემდეგ, დმანისისკენ წავედით

ადგილზე მისულებს, ნაქალაქარამდე, ცოტა ხანი ფეხით მოგვიწია სიარული

მუზეუმში შესასვლელად, რამდენიმე ჯგუფად დავიყავით.

ერთ შესვლაზე, ორი ჯგუფი შედიოდა, თითო ჯგუფს, ჩვენი გიდი გვყავდა, რომელიც გვიყვებოდა ამ ადგილის ისტორიას

ბევრი საინტერესო რამე ვნახეთ, მათ შორის ზეზვა და მზია

კიდევ, ფილმი გვაჩვენეს, რომელშიც გათხრების ისტორიას შეეხებოდა.

დმანისის დათვალიერების შემდეგ, წავედით ტანძიაში. სადაც ისევე, როგორც ბოლნისში ძალიან ბევრი ხალხი იყო. სულხან-საბას სახლ-მუზეუმის მონახულების შემდეგ, იქვე პატარა პიკნიკი გვქონდა.

რომლის დამთავრების შემდეგ, ჩვენი ნასუფრალი ავალაგეთ და თბილისისკენ წამოვედით.

ბავშვები რამდენიმე ჯგუფად იყვნენ დაყოფილები. ყოველ მათგანს, ერთ კონკრეტულ ზღაპარზე მუშაობა ევალებოდა, მათ ხატვაში მასწავლებლები და მშობლები ეხმარებოდნენ. დაიხატა ისეთი ზღაპრები, როგორიცაა: თაფლაკვერა, ჭინჭარი, ამირანი, მფრინავი გოჭი და სხვები.

ნახატების დამთავრებისა და ტექსტის ქაღალდზე გადატანის შემდეგ, ზღაპრებს ყდები გაუკეთდა. ისინი თბილისის ეთნოგრაფიულ მუზეუმში შეინახება