ზაალ სულაკაურის სამხატვრო სტუდია » გამოფენა

მარიამ ქერეჭაშვილის პერსონალური გამოფენა

Natosha — Sat, 26 Nov 2011 12:06:43 +0000

21 ნოემბერს ზალიკოს ცენტრში მარიამ ქერეჭაშვილის პერსონალური გამოფენა გაიხსნა.
მარიამი 11 წლისაა და ზალიკოს სტუდიაში 2010 წლიდან სწავლობს. მისი ნიჭის შესაფასებლად
უამრავი სტუმარი მოვიდა, მათ შორის მისი მასწავლებლები და დირექტორი 23-ე სკოლიდან.

სულით და გულით ვულოცავთ მარიამს მის პირველ, პერსონალურ გამოფენას და ცხოვრებაში დიდ წარმატებებს ვუსურვებთ

1 ივნისი, მთაწმინდის პარკი

Natosha — Mon, 31 May 2010 09:23:20 +0000

ბავშვებო და მშობლებო. არ გამოგრჩეთ!
პირველ ივნისს, ბავშვთა საერთაშორისო დაცვის დღეს, მთაწმინდის პარკში ზალიკო სულაკაურის სტუდია გამართავს გამოფენა-აქციას. გამოიფინება სტუდიის ბავშვთა ნახატები, გარდა ამისა, ყველას შეგიძლიათ მოხვიდეთ და დახატოთ სტუდიის ბავშვებთან ერთად. აქცია იწყება 13 საათზე. ქართულ ქუჩაზე

ნიკა ოღიაშვილის პერსონალური გამოფენა

Natosha — Wed, 19 May 2010 19:57:05 +0000

28 აპრილს, სტუდიის ფოიეში, მორიგი პერსონალური გამოფენა გაიხსნა.
16 წლის ნიკა, 2006 წლიდან სწავლობს ზაალ სულაკაურის სტუდიაში. მისი პედაგოგი ზაალ სულაკაურია.
მიღებული აქვს მონაწილეობა ბევრ გამოფენაში, სტუდიასთან ერთად. გარდა ამისა, მისი ნახატები გაგზავნილი იყო საბერძნეთის და ეგვიპტეს კონკურსებზე. ეს მისი პირველი პერსონალური გამოფენა იყო.

თინათინ აბდუშელიშვილის პერსონალური გამოფენა

Natosha — Sat, 19 Dec 2009 19:27:08 +0000

თიკო 9 წლისაა. სწავლობს 52-ე საჯარო სკოლაში.
ზალიკო სულაკაურის სამხატვრო სტუდიაში 2005 წლიდან სწავლობს. 2009 წლის 17 დეკემბერს, სტუდიაში, მისი პერსონალური გამოფენა გაიმართა.

თიკო და ზალიკო

თიკოს ნახატები

2010 წლის იანვრიდან, ზალიკოს სტუდიაში, პერიოდულად გაიმართება სტუდიის მოსწავლეების პერსონალური გამოფენები. ინფორმაცია მათ შესახებ, აუცილებლად გამოქვეყნდება სტუდიის ბლოგზე.

გამოფენა სამების საკათედრო ტაძარში

Natosha — Sat, 28 Nov 2009 19:26:12 +0000

გუშინ, 27 ნოემბერს, წმ.სამების საკათედრო ტაძარში, გაიხსნა ზაალ სულაკაურის სამხატვრო სტუდიის ბავშვთა გამოფენა – “გიორგობა”. ის 4 დეკემბრამდე გაგრძელდება. გამოიფინა სტუდიის ყველა მოსწავლის ნახატი, მათი უმეტესობა რელიგიურ თემაზე იყო.
გახსნას დაესწრო მეუფე სტეფანე, რომელმაც დალოცა ბავშვები. გამოფენის გახსნის ბოლოს სტუდიის მოსწავლეებს გადაეცათ სიგელები და ხატები, რომლებიც ბავშვებს საპატრიარქოსთან არსებულმა ახალგაზრდობის სულიერი და ინტელექტუალური განვითარების ცენტრმა აჩუქა.
რამდენიმე სურათი გამოფენის გახსნიდან:

ზაალ სულაკაური	მეუფე სტეფანე ლოცავს სტუდიის ბავშვებს
გამოფენის სანახავად მოსული სტუმრები	ბავშვები ათვალიერებენ ნახატებს
ლაშა ლაგვილავა, 14 წლის	სიგელები და ხატები

დანარჩენი სურათები შეგიძლიათ იხილოთ აქ

თავად გამოფენა შეგიძლიათ იხილოთ წმ.სამების საკათედრო ტაძარში, საპატრიარქოსთან არსებულ ახალგაზრდობის ცენტრში.