ზაალ სულაკაურის სამხატვრო სტუდია » სტუდია

1 ივნისი, მთაწმინდის პარკი

Natosha — Mon, 31 May 2010 09:23:20 +0000

ბავშვებო და მშობლებო. არ გამოგრჩეთ!
პირველ ივნისს, ბავშვთა საერთაშორისო დაცვის დღეს, მთაწმინდის პარკში ზალიკო სულაკაურის სტუდია გამართავს გამოფენა-აქციას. გამოიფინება სტუდიის ბავშვთა ნახატები, გარდა ამისა, ყველას შეგიძლიათ მოხვიდეთ და დახატოთ სტუდიის ბავშვებთან ერთად. აქცია იწყება 13 საათზე. ქართულ ქუჩაზე

ჩვენ ვხატავთ მულტფილმს

Natosha — Wed, 26 May 2010 20:50:21 +0000

ამ წლის მარტში, საქართველოს კინემატოგრაფიის ეროვნულმა ცენტრმა გამოაცხადა კონკურსი, რომელშიც სამხატვრო სტუდიის ბაზაზე ჩამოყალიბებულმა ანიმაციურმა სტუდიამ “რიტუალი” მიიღო მონაწილეობა.
გამოიცანით რა მოხდა? ჩვენ გავიმარჯვეთ ოთხ საპრიზო ადგილს შორის ერთ-ერთი დავიკავეთ და მივიღეთ დაფინანსება, ორი მულტფილმის დასახატად.
მულტფილმებზე მუშაობა უკვე დაწყებულია. მათი სახელწოდებებია “გმირი” და “რიტუალი”.
“გმირი” – ამ მულტფილმში, გმირი სპილო, მიემართება მზეთუნახავის, “საშინელი დრაკონისგან” დასახსნელად. ამისთვის მას მრავალი წინააღმდეგობის გადალახვა მოუწევს.
“რიტუალი” – მოვლენები ერთ ჩვეულებრივ სახლში ვითარდება. ბიზნესმენი ქმარი, ახალგაზრდა ლამაზი ცოლი, მაცდური საყვარელი და…. კატა

ორივე ანიმაციური ფილმი 2D ტექნიკით შესრულდება და კომედიური ჟანრის იქნება. ავტორები არიან: ზაალ სულაკაური, ვიქტორ წიკლაური და გელა ბერიანიძე. ყოველ თვე, ან თვეში ორჯერ, ამ ბლოგზე, კატეგორიაში “რიტუალი”, თქვენ ნახავთ მულტფილმის გაკეთების პროგრესს. მანამდე კი საწყის სკეტჩებს წარმოგიდგენთ

მზეთუნახავი სპილო

ბიზნესმენი ქმარი

გაურკვეველი ჯიშის კატა

თვალი ადევნეთ ჩვენს პოსტებს და ელოდეთ ახალ ამბებს მულტფილმების შესახებ

თინათინ აბდუშელიშვილის პერსონალური გამოფენა

Natosha — Sat, 19 Dec 2009 19:27:08 +0000

თიკო 9 წლისაა. სწავლობს 52-ე საჯარო სკოლაში.
ზალიკო სულაკაურის სამხატვრო სტუდიაში 2005 წლიდან სწავლობს. 2009 წლის 17 დეკემბერს, სტუდიაში, მისი პერსონალური გამოფენა გაიმართა.

თიკო და ზალიკო

თიკოს ნახატები

2010 წლის იანვრიდან, ზალიკოს სტუდიაში, პერიოდულად გაიმართება სტუდიის მოსწავლეების პერსონალური გამოფენები. ინფორმაცია მათ შესახებ, აუცილებლად გამოქვეყნდება სტუდიის ბლოგზე.